Bar-One-kaaskoek

image_pdfimage_print

10552548_665851376834608_8388477820366503024_n

Maak: 1 x 22 cm-koek
Bereidingstyd: 40 minute,
plus stoltyd

• 11/2 pakkie semelkoekies
• 150 ml gesmelte botter

Vulsel
• 15 ml gelatien
• 250 ml room
• 2 x 230 g-bakkies roomkaas
• 115 ml (100 g) strooisuiker
• 2 x 55 g-Bar-One-sjokoladestafies, gekap, plus ekstra vir versiering
• kakaopoeier om oor te sif

1 Druk die semelkoekies fyn. Gooi die gesmelte botter by en meng dit goed. Druk die mengsel teen die bodem en kante van ’n 22 cm-losboompan vas. Bedek met kleef-plastiek en sit solank in die yskas.

2 Vulsel Gooi 30 ml water oor die gelatien. Laat dit uitswel en verhit dit dan vir ’n paar minute in die mikrogolfoond tot gesmelt. Laat eenkant afkoel.

3 Klits die room styf. Klop die roomkaas en strooisuiker saam. Vou die room by die roomkaas-mengsel in. Meng nou ’n bietjie van die roomkaasmengsel by die gelatienmengsel in. Roer goed en voeg dan by die res van die roomkaasmengsel. Meng goed. Roer die gekapte sjokoladestafies by. Gooi die vulsel in die bereide tertdop. Sit in die yskas om te stol.

4 Pak stukkies Bar-One op die koek en sif kakaopoeier oor. Sny met ’n warm mes in wiggies.

Liezel Van der Merwe Dis daai top deck bubblie wat ek oor gerasper het tannie,,,,,, kaaskoek en klapper??? Ha a

Leave a Reply

Your email address will not be published. Required fields are marked *