Mexikaanse jalapeño-burgers

image_pdfimage_print

mexburger

Genoeg vir 4 mense
Bereiding: 15 min.
Gaarmaak: 15 min.
Verkoel: 15 min.

VLEISKOEKIES
500 g beesmaalvleis
2 snye wit- of bruinbrood, korsies verwyder en in melk geweek
1 ui, gerasper
1 knoffelhuisie, fyngedruk
10 g koljander, fyn gekap
30 ml (2 e) maalvleisspeserye
sout en vars gemaalde peper
30 ml (2 e) olie
PITMIELIESLAAI
250 ml (1 k) pitmielies
½ rooi-ui, gekap
10 g koljander, gekap
BURGERS
4 broodrolletjies
½ rooi-ui, in ringetjies gesny
4 jalapeño’s, in die lengte gehalveer
4 velle cheddarkaas
60 ml (¼ k) suurroom

  1. Vleiskoekies Meng al die bestanddele behalwe die olie goed, geur met die sout en peper, vorm vleiskoekies en verkoel minstens 15 min.
  2. Verhit die olie in ’n pan en braai die vleiskoekies tot goudbruin en gaar.
  3. Pitmielieslaai Meng die mielies, ui en koljander en geur met sout en peper.
  4. Burgers Sny die broodrolletjies oop, plaas ’n vleiskoekie, ’n paar uieringetjies, ’n jalapeño, ’n vel kaas, ’n lepel vol van die pitmielieslaai en ’n skeppie suurroom op die een helfte van elke rolletjie.
  5. Sit die ander helfte van die broodjie bo-op en steek vas met ’n kebabstokkie.
  6. Sit die burgers voor saam met guacamole, tamatieslaai en nacho’s.

Die pitmielieslaai en suurroom werk ook heerlik in ’n boereworsrol pleks van die tradisionele tamatiesmoor.

Leave a Reply

Your email address will not be published. Required fields are marked *